بس الكتب مملة ومبحبهاش!
كتير بنسمع الجمل ديه من أطفالنا، وعشان كده قررنا في البوست ده إننا نقولك خطوات عملية بدورها إنها تحبب ابنك في القراءة
1. سيبيه يكمل القصة: من الطرق الفعالة جدًا والشيقة إنك تحكيله قصة مسلية وتسيبيه يكملها بنفسه في نصها.. بالطريقة ديه هو هيتحمس جدًا إنه يكمل القراءة وهيحبها أكتر.
2. خلي الكتب قدامه علطول: بالطريقة ديه إنتي بتوصلي في عقله بدون وعي إن القراءة شيء مهم وضروري في حياتنا، وبتزودي احتمالية إنه يقرأ الكتاب.
3. ابعديه عن التكنولوجيا: من أكتر الحاجات اللي ممكن تأثر بالسلب على حب ابنك بالقراءة، هي الألعاب، وده لأنها مقارنة بالكتب تبدو ممتعة جدًا ومسلية مع ضررها السيء على التركيز والإدراك، عشان كده حاولي على قد ما تقدري تبعديه عن الهاتف أو على الأقل تقللي عدد ساعات استخدامه ليه.
4. القصص المصوره: الطفل بيفضل غالبًا الأشياء المرسومة عن المكتوبة، عشان كده ممكن تبدأي بإنك تجيبي قصص مصورة، وتقللي الرسومات بشكل تدريجي بحيث يتعود على القراءة العادية.
5. اقرأي قدامه: من الحاجات المهمة جدًا والمؤثرة، هو إن الطفل يشوفك بتقرأي قدامه، حتى لو تعمدتي ده. وده لأن الطفل بيتأثر دايمًا بسلوك الوالدين وبيحاول يقلد تصرفاتهم معظم الوقت.