– في دراسة اتعملت على مجموعة من الأطفال في ألمانيا لقو إن 70% من الأطفال بيستخدموا الهاتف قبل المدرسة أكتر من نص ساعة يوميًا!
ده بيقول بدون شك إن التكنولوجيا أصبحت بتشكل جانب في حياتنا وحياة أطفالنا، عشان كده هنستعرض النهاردة مع بعض أضرار التكنولوجيا على أطفالنا..
1. قلة الاختلاط بالعالم الخارجي: تقريبًا ديه أخطر مشكلة على طفلك، وده لإنه بيبتعد دايمًا عن التواصل الطبيعي البشري مع باقي الناس، وده بيفقده مهاراته الاجتماعية أولًا، وبيفقده كمان الثقة في أوقات كتير، نتيجة قلة المخالطة..
2. غير إن المرحلة الخاصة بالطفولة ضروري فيها جدًا تعرض الطفل للهواء النقي، واحتكاكه بالمجتمع عشان يكتسب المهارات المطلوبة ليه 3. التشتت وعدم التركيز: السبب ده واضح وظاهر، وهو طبيعي جدًا نتيجة كثرة المشتتات اللي الطفل بيتعرضلها على الهاتف، وده بيأثر بالسلب على دراسته ومعدل فهمه وتركيزه.
4. العين: من أكتر الأضرار الشائعة للهاتف هو على العين، بحيث إن الأشعة الصادرة من الهاتف بتأثر على شبكية العين، وليها أضرار مختلفة غير ده.
5. الأرق: لو استخدم الهاتف قبل النوم بفترة قليلة ممكن يسبب أرق لطفلك وقت النوم عشان كده حاولي تبعديه مخصوص في الوقت ده تحديدًا.
6. العظام: للأسف مع إن المشكلة ديه شائعة عند الكبار لكنها تسللت للأطفال، فأصبحوا بيعانوا من بعض الأعراض نتيجة الجلوس الخاطئ على الأجهزة زي الصداع وألم أسفل الظهر والتهاب الأوتار. لو طفلك من سنة لسنتين أرجوكي حاولي تمنعيه تمامًا في السن ده، ولو أكبر فممكن تحددي عدد ساعات معين لطفلك، وتحببيه في باقي الأنشطة التانية وتقللي المدة بشكل تدريجي.